2025 წლის ივლისში, საქართველოს საბუნებისმეტყველო მეცნიერებათა აკადემიამ მიიღო მოწვევა ათენის აკადემიიდან — გახდეს ახლად დაფუძნებული საერთაშორისო აკადემიური საზოგადოების "KOINON"-ის საპატიო წევრი.

“KOINON” დაფუძნებულია ბერძნული კანონით და წარმოადგენს აკადემიების, მეცნიერების, ხელოვნებისა და კულტურის სფეროს გამორჩეული ინსტიტუტების საერთაშორისო ასოციაციას, რომლის მიზანია პლატონის აკადემიის ღირებულებებზე დაფუძნებული გლობალური თანამშრომლობის ხელშეწყობა.

ამ მოწვევასთან ერთად, აკადემიას მიეწოდა:

• საზოგადოების წესდების აღწერილობა

• საპატიო წევრობის განაცხადის ფორმა

• სიმპოზიუმის პროგრამა, რომელიც გაიმართება 2026 წლის 9-10 თებერვალს, ათენში, პლატონის აკადემიის ისტორიულ არეალში.

აკადემიის წევრებსა და დაინტერესებულ საზოგადოებას გაცნობებთ, რომ განხილვის პროცესშია აკადემიის ოფიციალური წარმომადგენლის დასახელება და საზოგადოების საქმიანობაში აქტიური მონაწილეობა.

დამატებითი ინფორმაცია იხილეთ ოფიციალურ გვერდზე: Academy of Athens – KOINON